काठमाडौं । सेयर बजारमा आज कारोबारको नयाँ कीर्तिमान बनेको छ ।
साताको पहिलो दिन आज २५ अर्ब ७७ करोड रुपैयाँ बराबरको सेयर कारोबार भएको हो । यो एकै दिनमा भएको अहिलेसम्मकै सबैभन्दा धेरै रकमको कारोबार हो । यसअघि गत मंगलबार २३ अर्ब ७१ करोडको रेकर्ड बनेको थियो ।
आज नेप्से परिसूचक ९४ दशमलव ४६ अंक बढेर २८६० दशमलव ८४ अंकमा कायम भएको छ । आज म्युचुअल फण्डबाहेकका सबै क्षेत्रगत सूचक बढेका छन् ।
दुई सय २५ कम्पनीको सेयर मूल्य बढ्दा १५ कम्पनीको घटेको छ ।
