धनकुटा । सहरी विकास तथा भवन निर्माण आयोजनाले धनकुटा नगरपालिकामा नयाँ व्यवसाय सञ्चालन गर्न चाहने युवाका लागि व्यापारिक भवन निर्माणको काम अघि बढाएको छ ।
जग्गाको टुंगो नलाग्दा धनकुटा नगरपालिकामा ६० लाख रुपैयाँमा बन्ने भनिएको व्यापारिक भवन निर्माणको काम अघि बढ्न सकेको थिएन । अब भने स्रोत सुनिश्चित भएसँगै परियोजना अघि बढेको हो ।
त्यस्तै ढल व्यवस्थापनका लागि धनकुटा बजारको तल्लो कोप्चेमा सहरी विकास मन्त्रालयबाट प्राप्त ५० लाख रुपैयाँमा काम भइरहेको छ । चालु आर्थिक वर्षमा धनकुटामा सहरी विकास मन्त्रालयमार्फत पूर्वाधार विकासका २६ वटा आयोजनाको काम भइरहेको छ ।
