काठमाडौं । चालु आर्थिक वर्षको सात महिनासम्म नेपालले आठ खर्ब ११ अर्बको व्यापार घाटा बेहोरेको छ । यस अवधिमा वैदेशिक व्यापार भएका १५७ देशमध्ये १२१ सँगको व्यापार घाटामा छ ।
चालु आवको यो अवधिसम्म कुल आठ खर्ब ९७ अर्बको ९४ करोडको वस्तु आयात हुँदा ८६ अर्ब ८३ करोड रुपैयाँको मात्रै निर्यात भएको छ । गत वर्षको तुलनामा आयात २.३१ प्रतिशत र निर्यात ७.०७ प्रतिशत घटेको हो ।
यो अवधिमा डिजेल ७७ अर्बको, पेट्रोल ३८ अर्ब, खाना पकाउने ग्यास ३० अर्ब, स्मार्ट फोन १७ अर्ब, सुन १२ अर्बको आयात भएको छ ।
त्यस्तै कोइला १२ अर्ब, फलाम ४४ अर्ब र औषधि र त्यसको कच्चापदार्थ १६ अर्बको आयात भएको छ ।
चालु आवको यो अवधिसम्म चार अर्बको अलैंची, ६ अर्बको गलैंचा, ३ अर्बको जुस, दुई अर्बको पाम र ६ अर्ब ९६ करोडको स्टिल आइरन निर्यात भएको छ ।
