सिन्धुपाल्चोक । चीनबाट ल्याइएको रासायनिक मल दश महिनादेखि तातोपानी भन्सारको गोदाममा थन्किएको छ ।
कृषि सामग्री कम्पनी र आयातकर्ताबीच सहमति भए पनि मल गोदामबाट उठ्न नसक्दा सात लाख ३५ हजार बोरा रासायनिक मल तातोपानी भन्सार कार्यालयको यार्डभित्र गोदाममा थन्किएको हो ।
ट्रान्स सिल्क ट्रमिन्लस प्रालि र अन्य व्यापारिक संस्थाहरुले संयुक्त रुपमा कृषि सामग्री कम्पनी लिमिटेडबाट गत जेठ महिनामा रासायनिक मल आयात गरेका हुन् । मल भन्सारमै थन्किँदा हिउँदे बाली लगाउने किसान समस्यामा परेका छन् ।
