काठमाडौं । रासायनिक मलमा अनुदान घटाउने सरकारी निर्णयको किसान संगठनहरुले विरोध जनाएका छन् ।
अखिल नेपाल किसान महासंघ, नेपाल किसान महासंघलगायत संगठनले आज (बिहीबार) काठमाडौंको माइतीघरमा विरोध प्रदर्शन गरेका हुन् ।
सरकारले सोमबार रासायनिक मलमा दिँदै आएको ८० प्रतिशतसम्मको अनुदान घटाएको थियो । कृषिजन्य वस्तुको उत्पादन लागत बढिरहेको अवस्थामा अनुदान कटौती गरेर सरकारले किसानमाथि घात गरेको किसान संगठनहरुको आरोप छ।