आजका मुख्य समाचार,
* नागरिकको सहज उपचारका लागि दुई सिफ्टमा अस्पताल चलाउने निर्णय ८ महिनादेखि अलपत्र / आधारभूत स्वास्थ्य सेवा दिन चुकेको भन्दै सांसदले गरे सरकारको आलोचना ।
* प्रतिनिधिसभा र प्रदेशसभामा समानुपातिक निर्वाचन प्रणाली हटाउन कांग्रेसलाई सुझाव / संविधानको प्रस्तावनामै हिन्दू राष्ट्र राख्न र जनप्रतिनिधिका लागि ७० वर्षे उमेरहद प्रस्ताव ।
* बरामद भएको २५ करोड केरुङ पुर्याउने मात्र जिम्मा लिएको ट्रक चालक कुसाङको खुलासा / पैसाको मालिकबारे मौन / सम्पत्ति शुद्धीकरणमा सोझियो प्रहरी अनुसन्धानमा ।
* युद्धविराम उल्लंघन गर्दै इजरायलद्वारा दोस्रो दिन पनि गाजामा आक्रमण / कम्तीमा १३ प्यालेस्टिनीको मृत्यु / प्यालेस्टिनियन इस्लामिक जिहादका सैन्य प्रवक्ता अबु हम्जा पनि मारिए ।
* प्रधानमन्त्री कप पुरुष राष्ट्रिय क्रिकेटमा आर्मीको अपराजित यात्रामा पूर्णविराम / मधेश प्रदेशसँग ३ विकेटले पराजित / पुलिसले छैटौं जित हात पार्दा सुदूरपश्चिमले लुम्बिनीलाई हरायो ।
