ताप्लेजुङ । पर्यटकीय सिजन सुरु भएपछि पहिलो पटक ताप्लेजुङ भित्रिएका विदेशी पर्यटकलाई फुङ्लिङ नगरपालिकाले स्वागत गरेको छ ।
कञ्चनजंघा क्षेत्रको भ्रमणमा निस्किएका जर्मनीका दुई र अस्ट्रियाका एकजना गरी तीन जनालाई फुङ्लिङ नगरपालिका प्रमुख अमिर मादेनले अबिर र खादा लगाएर स्वागत गरेका हुन् ।
भदौ अन्तिमदेखि असोज र कात्तिक महिनामा सयौंको संख्यामा विदेशी पर्यटक कञ्चनजंघा क्षेत्रमा भ्रमणका लागि आउने गरेका छन् । मेयर मादेनले उनीहरुलाई होटलमै पुगेर स्वागत गरेका हुन् ।
