काठमाडौं । अख्तियार दुरुपयोग अनुसन्धान आयोगमा परेको उजुरीको छानबिन प्रक्रियामा सहयोग नगरेको भन्दै सरकारले नेपाल क्रिकेट संघ क्यानविरुद्ध कारबाही प्रक्रिया अघि बढाउन निर्देशन दिएको छ ।
युवा तथा खेलकुद मन्त्रालयले वैशाख १४ गते पत्र पठाउँदै क्यानसँग अन्तिमपटक स्पष्टीकरण माग गर्ने र सन्तोषजनक जवाफ नआए कारबाही अघि बढाउन राष्ट्रिय खेलकुद परिषद्लाई निर्देशन दिने जनाएको थियो ।
पत्रअनुसार अख्तियारमा २०८१ मंसिर ७ र फागुन १२ गते उजुरी परेको थियो । यही आधारमा २०८१ पुस २५ मा सचिवस्तर तथा २०८२ भदौ ५ मा मन्त्रीस्तरीय निर्णय हुँदै छानबिन समिति गठन गरिएको थियो ।
खेलकुद विकास ऐन २०७७ को दफा २८ अनुसार मन्त्रालय र परिषद्ले मागेको अभिलेख उपलब्ध गराउनुपर्ने बाध्यात्मक व्यवस्था भए पनि क्यानले पालना नगरेको पत्रमा उल्लेख छ ।
यस्तै मन्त्रीस्तरीय निर्णयअनुसार क्यानलाई अन्तिम चेतावनीसहित स्पष्टीकरण सोध्दै "कारबाही किन नगर्ने र निलम्बन किन नगर्ने" भन्ने विषयमा जवाफ माग्न निर्देशन दिइएको छ । खेलकुद विकास ऐन २०७७ को दफा २९ अनुसार क्यानमाथि कारबाहीदेखि निलम्बनसम्मको प्रक्रिया अघि बढ्न सक्ने अवस्था देखिएको मन्त्रालयको भनाइ छ । यदि क्यानबाट मागअनुसार स्पष्ट जवाफ र आवश्यक कागजात प्राप्त नभए कारबाही प्रक्रिया औपचारिक रूपमा अघि मन्त्रालयको निर्देशन छ ।
.png&w=400&height=300)
