काठमाडौै । नेपालकी सीता रानामगरले खराब फिल्डिङ र ब्याटिङमा साझेदारी बन्न नसक्दा आइसिसी महिला टी विश्वकप ग्लोबल छनोटमा स्कटल्यान्डसँग फराकिलो हार सामना गर्नु परेको बताउनुभएको छ ।
कीर्तिपुरमा भएको खेलमा नेपाल सोमवार स्कटल्यान्डसँग ७२ रनको फराकिलो अन्तरले पराजित भएपछि विश्वकप छनोटको सुपर सिक्समा पुग्न असफल भयो । यससँगै नेपालकी अनुभवी खेलाडी सीताले फिल्डिङमा लगातार गल्ती गर्दा स्कटल्यान्डलाई सामान्य योगफलमा रोक्न असफल भएको बताउनुभयो ।
यो पिचमा १२० रनको लक्ष्य धेरै कम रहेको उल्लेख गर्दै कम योगफलमा रोक्ने देखिए पनि फिल्डिङमा गल्ती भएको उहाँको भनाइ छ । फिल्डरले नै लगातार ३/४ वटा चौका रोक्न असफल भएको उहाँले बताउनुभयो । पूजा महतो आउट भएपछि नै कप्तान इन्दु बर्मा घाइते हुनु र आफ्नो विकेट पनि पतन हुँदा खेलले टर्निङ पोइन्ट बनेको मगरले बताउनुभयो ।
पूजा र इन्दु बाहिरिएपछि आफूहरूले इनिङ समाल्न नसकेको र सिनियर खेलाडीले साझेदारी बनाउन नसकेको सीताको भनाइ छ । सीताले लक्ष्य ठूलो भएपछि छिटै चेज गर्ने उद्देश्य रहेकाले पनि दबाब भएको बताउनुभयो ।
सुपर सिक्समा पुग्न नसके पनि समग्रमा छनोट राम्रो बनेको उनको भनाइ छ । जिम्बाब्वे जस्तो टिमलाई हराउनु पनि सुखद पक्ष रहेको उहाँको भनाइ छ । यो टिमसँग अझै आफ्नो करियर अगाढि बढ्ने सीताको विश्वास छ । छनोटका लागि नेपाली टोलीको मुख्य प्रशिक्षक हर्षल पाठक पनि ढिलो आउँदा तयारी अझै राम्रो हुन नसकेको उहाँको भनाइ छ ।
.png&w=400&height=300)
