काठमाडौं । राष्ट्रिय लिगमै सातदोबाटो युथ क्ल्बले पनि पहिलो जित हात पारेको छ ।
दशरथ रंगाशालामा शुक्रबार भएको खेलमा सातदोबाटाले मनाङ मर्स्याङदी क्लबविरूद्ध १-० गोल अन्तरको कठिन जित हात पारेको हो । सातदोबाटोको जितमा फोडे फोफानाको गोल निर्णायक बन्यो ।
२४औं मिनेटमा सातदोबाटोका एक्स हाङ लिम्बुको हेडर मनाङ मर्स्याङदीका गोल रक्षक विशाल केसीले उत्कृष्ट बचाउ गरे । ३२औं मिनेटमा समिर तामाङको प्रहार पनी विशाललेनै विफल पारे । पहिलो हाफको अन्त्यतिर फोफानाको हेडरमा पुनः विशालनै वाधक बनेपछि मध्यान्तरसम्म दुवै टिमले गोलरहित बराबरी खेले ।
बालगोपाल साहुको टोलीले दोस्रो हाफमा झन प्रभावशाली खेल पस्कियो । ६१औं मिनेटमा जगजित श्रेष्ठको क्रसमा फोफानाले हेडर गोल गर्दै डेडलक टोडे । फोफानाको गोलनै निर्णायक बनेपछि सातदोबाटोले जितको खाता खोलेको हो । पहिलो खेलमा संकटा क्लबसँग बरबरी खेलेको सातदोबाटोले दोस्रो खेलमा एनआरटी क्ल्बसँग पराजित भएको थियो ।
मनाङ भने जारी लिगमा जितविहीन छ । अब सातदोबाटोले सोमबार प्लानिङ ब्वाइजसँग खेल्नेछ भने मनाङले सोही दिन काँक्रेविहारको सामना गर्ने छ ।
.png&w=400&height=300)
