काठमाडौै । नेदरल्यान्ड्स महिला ट्वान्टी–२० विश्वकप ग्लोबल छनोटको सुपर सिक्समा प्रवेश गरेको छ । नेदरल्यान्ड्सले बिहीबार नेपाललाई २ रनले पराजित गरी प्रतियोगितामा लगातार तेस्रो जित हात पार्न सफल भएको हो ।
त्रिवि क्रिकेट अन्तर्राष्ट्रिय रंगशाला कीर्तिपुरमा टस जितेर ब्याटिङ गरेको नेदरल्यान्ड्सले निर्धारित २० ओभरमा ५ विकेट गुमाई १ सय ४० रन बनाएको थियो । जवाफमा नेपालले ७ विकेट गुमाई १ सय ३८ रन मात्र बनाउन सक्यो ।
अन्तिम ओभरमा नेपाललाई विजयका लागि १३ रन आवश्यक रहेपनि पूरा हुन सकेन् । नेपालले ११ रन मात्र बनाउँदा पराजित हुन पुग्यो ।
रुविनाले ३२ बलमा अविजित ३७ रन बनाउन सफल भइन् । उनी नेपालबाट महिला ट्वान्टी–२० अन्तर्राष्ट्रियमा १ हजार रन बनाउने नेपालको दोस्रो खेलाडी बनिन् । यसअघि कप्तान इन्दु बर्माले नेपालबाट १ हजार रन बनाइसकेकी छन् । रुविनाले आफ्नो इनिङ्सका क्रममा ५ चौका प्रहार गरिन् ।
सीता १२ बलमा २७ रन बनाई अविजित रहिन् । उनले १२ बल खेली ४ चौका र १ छक्का प्रहार गरिन् । नेपालको यो लगातार दोस्रो हार हो ।
नेपालको सुपर सिक्समा पुग्ने सम्भावना कमजोर
लगातार दोस्रो हारसँगै नेपालको घरेलु मैदानमा जारी आइसिसी महिला टी ट्वान्टी विश्वकप ग्लोबल छनोटको सुपर सिक्समा पुग्ने सम्भावना कमजोर भएको छ । कीर्तिपुरमा भएको आफ्नो दोस्रो खेलमा नेपाल बिहीबार नेदरल्यान्ड्सँग २ रनको साँघुरो अन्तरले पराजित हुन पुग्यो । कुल १० टोली सहभागी छनोटमा दुई समूहका शिर्ष तीन राष्ट्र सुपर सिक्समा पुग्ने प्रावधान छ ।
समूह ‘बी’ मा रहेको नेपालले लगातार दोस्रो हार व्यहोरेपछि सुपर सिक्सको सम्भावना कमजोर भएको हो । अब नेपालले समूहका बाँकी दुई खेल जित्नुपर्ने हुन्छ । पहिलो खेलमा नेपाल थाइल्यान्डसँग आठ विकेटले पराजित भएको थियो । दोस्रो खेलमा पनि हार बेहोरेपछि नेपालको सम्भावना कमजोर भएको हो ।
अब नेपालले समूहको दुई खेलमा आगामी जनवरी २४ तारिखमा जिम्बाबे र जनवरी २६ तारिखमा स्कटल्याण्डसँग प्रतिष्पर्धा गर्नेछ । यी खेलमा जित निकाल्नसके मात्र नेपाली महिला टोलीको विश्वकप खेल्ने यात्रा जीवन्त रहनेछ ।
.png&w=400&height=300)
