.png&w=1000&height=550)
काठमाडौं । पश्चिम एसियाको अस्थिर परिस्थितिका कारण आईसीसी विश्पकप लिग टू अन्तर्गत काठमाडौंमा आयोजना हुने तालिका रहेको त्रिकोणात्मक सिरिज स्थगित गरिएको छ ।
नेपाल त्रिकेट संघ- क्यानले बुधबार एक विज्ञप्ति जारी गर्दै आईसीसी विश्पकप लिग टू को त्रिकोणात्मक सिरिज स्थगित गरिएको जानकारी दिएको हो । फागुन २६ गतेदेखि सुरू हुने तालिका रहेको उक्त शृङ्खलाका सबै खेल अर्को सूचना नआएसम्मका लागि सारिएको क्यानले जनाएको छ ।
त्रिकोणात्मक सिरिजमा नेपालले घरेलु मैदानमा ओमान र यूएईसँग खेल्ने तालिका थियो । पश्चिम एसिया क्षेत्रमा विकसित परिस्थितिले टोलीहरूको यात्रा, सुरक्षा व्यवस्थापन तथा अन्य प्राविधिक पक्षमा प्रभाव पार्न सक्ने सम्भावनालाई ध्यानमा राख्दै यस्तो निर्णय गरिएको बताइएको छ ।
प्रतियोगिताको नयाँ मिति परिस्थितिलाई मध्यनजर गर्दै आगामी दिनमा सार्वजनिक गरिने जनाइएको छ । सिरिजका लागि नेपालले २० खेलाडीसहित बन्द प्रशिक्षण सुरू गरिसकेको थियो । लिग टू मा नेपाल २० खेलबाट १२ अंक जोड्दै तालिकाको सातौं स्थानमा छ ।
१० अंकका साथ यूएई अन्तिम स्थानमा छ । चौथो स्थानमा रहेको ओमानको २४ अंक छ । पश्चिम एसिया तनावकै कारण विश्वभरका विभन्न खेल गतिविधि स्थगित र रद्द हुने क्रम समेत बढेको छ ।
.png&w=400&height=300)
