नेपाल ओलम्पिक कमिटीको तदर्थ समिति गठन गर्ने खेलकुद मन्त्रालयको घोषणा

काठमाडौं । युवा तथा खेलकुद मन्त्रालयले अवैधानिक मानेको नेपाल ओलम्पिक कमिटीको तदर्थ समिति बनाएर अन्तर्राष्ट्रिय ओलम्पिक कमिटीमा र एसियाली ओलम्पिकमा पत्राचार गर्ने भएको छ। 

मन्त्रालयको एक वर्षको कार्यविवरण प्रस्तुत गर्दै मन्त्री तेजुलाल चौधरीले ओलीम्पकबारे यस्तो निर्णयभ भएको बताएका हुन्। मन्त्रालयले गत आर्थिक वर्षमा दशौं राष्ट्रिय खेलकुद आयोजना गर्न नसक्नुलाई आफ्नो असफलतामा राखेको छ। चाँडै मन्त्रालय र राष्ट्रिय खेलकुद परिषद्को प्रतिनिधि मण्डल कर्णाली पठाएर निरीक्षण गरि मिति तोक्ने मन्त्री चौधरीले जानकारी दिएका छन्। 

भक्तपुरमा फुटबल रंगशाला बनाउने लक्ष्य राखेको मन्त्रालयले राष्ट्रिय खेल भलिबलबारे भने कुनै काम गर्न नसकेको जानकारी दिएको छ। मन्त्रालयले एसियाली खेलकुद आयेाजनाको लागि एक सय भन्दा धेरै खेलाडीलाई अभ्यासमा राखेको र वर्षभरी ८७ राष्ट्रिय अन्तर्राष्ट्रिय खेल आयोजना गरेको जानकारी दिएको छ। 

देभरका चार क्रिकेट रंगशालाको वातावरणीय मूल्यांकन भएको र पोखरा र कोहलपुर रंगशालाको प्यारापिट निर्माण भएको मन्त्रालयले बताएको छ। त्यसैगरी, गत आर्थिक वर्षमा मन्त्रालयले पुाजिगत तर्फ ५१ करोड ८८ लाख पाएकोमा ३८ करोड ६० लाख अर्थात् कुल रकमको ७४ दशमलव ४२ प्रतिशत खर्च गरेको छ।