काठमाडौं । नेपालले तेश्रो अन्तर्राष्ट्रिय खुला फुल कन्ट्याक्ट कराते च्याम्पियनसिपमा ६ स्वर्णसहित २५ पदक जितेको छ ।
स्वर्णका अलावा नेपालले ६ रजत र १३ कांस्य पनि हात पार्यो । भारतको गुवाहटीमा भएको प्रतियोगितामा होमबहादुर राई, रसिला श्रेष्ठ, सिवानी आले मगर, जेनो पुन, अर्जन अधिकारी र आशिष तामाङले स्वर्ण जिते । विवेक नेपाली, आरोज तामाङ, सतालीराज बुढा, साम्राज्ञी चौधरी, रोजी फगामी मगर र निर्जला ओलीले रजत हात पारे ।
सार्थक शाही, प्रलिशा प्रधान, ऐश्वर्य बुढा, इल्भा सिंह, युदिका राणा, प्रनिश बर्देवा, रेहान श्रेष्ठ, उदय परियार, महेन्द्र कार्की, अंकित पाठक, रोहित श्रेष्ठ, साजन नेपाली र करण औडले कांस्य पाए ।
