काठमाडौं । स्टार फुटबलर क्रिस्टियानो रोनाल्डोले साउदी प्रो लिग टोली अल-नासरसँगको सम्झौता लम्ब्याउने तयारी गरेका छन् । स्थानीय मिडियालाई उद्धृत गर्दै रोयटर्सले तयार पारेको सामग्री अनुसार अल नासरबीचको सम्झौता नवीकरण भए रोनाल्डो विश्वकै सबैभन्दा धेरै कमाउने फुटबल खेलाडीको रूपमा स्थापित हुनेछन् ।
रोनाल्डो जनवरी २०२३ मा अल नासरमा अनुबन्ध भएका थिए । रोनाल्डोको आगमनसँगै विश्व फुटबललका स्टार खेलाडीलाई मध्यपूर्वले आकर्षित गरेको थियो ।
नयाँ सम्झौता प्रतिसिजन २१० मिलियन अमेरिकी डलरभन्दा बढीको हुनसक्ने मिडिया रिपोर्टहरूले बताएका छन् । रियल मड्रिडका पूर्वस्टारको हालको सम्झौता चालु सिजनको अन्त्यमा समाप्त हुँदै छ ।
