काठमाडौं । खो खो विश्वकप २०२५ अन्तर्गत आफ्नो पहिलो खेलमा नेपाल पराजित भएको छ । हिजो इन्दिरा गान्धी इन्डोर रंगशालामा भएको उद्घाटन खेलमा नेपाल घरेलु टोली भारतसँग ४२-३७ ले पराजित भएको हो ।
प्रतीक वाइकरको नेतृत्वमा भारतले अल राउन्ड प्रदर्शन गरेपछि नेपाल पराजित भएको हो । खेलमा भारतले उत्कृष्ट सुरूआत गर्यो । पहिलो टर्नमा ६० सेकेन्डभित्रै नेपालका ३ डिफेन्डर आउट भए । प्रतीक वाइकर र रामजी कश्यपको उत्कृष्ट फ्लाइङ जम्पको मद्दतले भारतले टर्न १ मा ३ मिनेट बाँकी रहँदा १४ अंकको विशाल अग्रता लिएको थियो । त्यसपछि नेपालले पुनरागमन गरे पनि खेल आफ्नो पक्षमा पार्न सकेन ।
पहिलो संस्करणको विश्पकप अन्तर्गत आफ्नो दोस्रो खेलमा नेपालले आज राति पौने ७ बजे पेरुसँग खेल्ने छ। नेपालको महिला टिमले आजै बिहान सवा १० बजे भुटानसँग खेल्ने तालिका छ ।
