काठमाडौं । बार्सिलोना कोपा डेल रेको अन्तिम १६ मा प्रवेश गरेको छ । चौथो डिभिजनको क्लब बार बास्ट्रोलाई ४-० ले पराजित गर्दै बार्सिलोना प्रिक्वार्टरफाइनलमा पुगेको हो ।
बार्सिलोनाको जितमा रोबर्ट लेवान्डोस्कीले २ गोल गरे । २१ औं मिनेटमा रोनाल्ड अराउजोको क्रसमा डिफेन्डर गार्सियाले गोल गर्दै बार्सिलोनालाई अग्रता दिलाएका थिए । त्यसको १० मिनेटपछि लेवान्डोस्कीले गोल गर्दै बार्सिलोनाको अग्रता दोब्बर बनाए ।
पोल्यान्डका स्ट्राइकर लेवान्डोस्कीले दोस्रो हाफ सुरू भएको २ मिनेट भित्रै व्यक्तिगत दोस्रो गोल गरे । हान्सी फलिकको टोलीका लागि चौथो गोल २१ वर्षीय पाब्लो टोरेले गरेका हुन् ।
यस खेलमा २ असिस्ट पनि उपलब्ध गराएका थिए । यसबाहेक एथलेटिक क्लब, एथलेटीको मड्रिड र सेमिल्ला पनि अन्तिम १६ मा प्रवेश गरेका छन् ।
