काठमाडौं । नेपाल प्रिमियर लिग अन्तर्गत आजको पहिलो खेलमा कर्णाली याक्स र चितवन राइनोज भिड्दै छन् ।
टस जितेर कर्णालीले पहिले फिल्डिङ रोजेको छ । चितवन राइनोज ब्याटिङमा उत्रिएको छ । यो खेल भारतका शिखर धवन र पाकिस्तानका सोहेल तन्विरबीचको प्रतिस्पर्धा पनि हो ।
चितवन एनपीएलमा अपराजित छ । दुई खेलबाट चार अंक जोडेको चितवन तालिकाको तेस्रो स्थानमा छ ।
कर्णाली भने जितविहीन छ । दुवै खेल हारेको सोमपाल कामीको टिम कर्णाली एनपीएलमा पहिलो जितको खोजीमा छ ।
