काठमाडौं । जुड बेलिङ्घम र केलियन एम्बाप्पेले गोल गरेपछि रियल मड्रिडले स्पेनिस ला लिगामा गेटाफेमाथि २-० को जित हात पारेको छ । जितसँगै मड्रिडले शीर्ष स्थानको बार्सिलोनासँगको दूरी एक अंकमा सीमित गरेको छ ।
३०औं मिनेटमा बेलिङ्घमले पेनाल्टीमा गोल गर्दै मड्रिडलाई सुरूआती अग्रता दिलाएका थिए । एलन न्योमले एन्टोनियो रुडिगरमाथि फाउल गरेपछि मड्रिडले पेनाल्टीको अवसर पाएको थियो । ३८औं मिनेटमा एम्बाप्पेलेले गोल गरे । बेलिङ्घमको पासमा एम्बाप्पेलेले गोल गरेका हुन् ।
कार्लो एन्सेलोट्टीको टोलीलाई गोल गर्ने थप अवसर थियो । ब्राहिम डियाजको प्रहार केही इन्चले बाहिरियो । त्यसपछि दुबै टिमबाट थप गोल हुन नसक्दा स्टाडियो सान्टियागो बर्नेवेउमा ७४ हजारभन्दा बढी दर्शकमाझ मड्रिड विजयी भयो ।
जितसँगै १४ खेलमा १० जित सहित ३३ अंक जोडेको मड्रिड दोस्रो स्थानमा उक्लिएको छ । एक खेल बढी खेलेको बार्सिलोना ३४ अंक सहित शीर्ष स्थानमा छ । १५ खेलमा १३ अंक सहित गेटाफे लिगको १७औं स्थानमा छ ।
यस बाहेक ला लिगामा एथ्लेटिको मड्रिड, एथ्लेटिक क्लब र रियल सोसिडार्ड विजयी भए । ला लिगामा आज शीर्ष स्थानको बार्सिलोनाले मार्सेसँग खेल्दै छ ।
.png&w=350&height=150)