काठमाडौं । साउदी प्रो लिगकै अर्को खेलमा अल-नासर विजयी भएको छ। अल-नासरले अल-रियादलाई १-० ले हराएको हो ।
क्रसटाउन प्रतिद्वन्द्वी अल-रियादलाई हराउन साडियो मानेले गरेको गोल निर्णायक बन्यो । अल-रियादविरुद्ध बलियो प्रदर्शन गरेको अल-नासरका लागि मानेले ४१ औं मिनेटमा गोल गरेका थिए । अब्दुलरहमान घारिबको असिस्टमा मानेले गोल गरे ।
क्रिस्टियानो रोनाल्डोको प्रयास अल-रियाद गोलकिपरले बचाए । यससँगै दुवै टिमबाट थप गोल हुन सकेनन् र मानेको गोल निर्णायक साबित भयो ।
यो जितसँगै १० खेलपछि अल-नासरले २२ अंक जोडेको छ । ऊ तालिकाको तेस्रो स्थानमा छ । समान १० खेलमा १४ अंक जोडेको अल-रियाद सातौँ स्थानमा छ ।
