काठमाडौं । हङकङ सिक्सेस क्रिकेटमा नेपाल एक खेल अघि नै क्वार्टरफाइनल प्रवेश गरेको छ ।
पोल बीमा अष्ट्रेलियाले इंग्ल्यान्डलाई ३४ रनले पराजित गरेपछि नेपाल एक खेल अघि नै क्वार्टरफाइनलमा प्रवेश गरेको हो । यस पोलमा नेपाल र अष्ट्रेलियाबीचको खेल हुन बाँकी छ ।
पहिले ब्याटिङ गरेको अष्ट्रेलियाले १ विकेट गुमाएर १ सय ४७ रन बनाएको थियो । १ सय ४८ रनको लक्ष्य पछ्याएको इंग्ल्यान्डले १ सय १३ मात्र बनाएपछि नेपाल क्वार्टरफाइनलमा प्रवेश गरेको हो । आफ्नो पहिलो खेलमा नेपालले इंग्ल्यान्डलाई ६ विकेटले पराजित गरेको थियो ।
९८ रनको लक्ष्य पछ्याउने क्रममा कप्तान सन्दीप जोराले विष्फोटक ब्याटिङ गरेपछि नेपालले तीन पटकको च्याम्पियन इंग्ल्यान्डलाई विनाकुनै विकेट गुमाएर स्तब्ध पारेको थियो । १२ बलमा ५० रन बनाएर सन्दीप यस प्रतियोगिताको नियम अनुसार रिटायर्ड भएका थिए ।
अब नेपाल र अष्ट्रेलियाबीच भोलि बिहान खेलिने खेलबाट यस यस पोलको विजेता र उपविजेताको टुङ्गो लाग्ने छ । यस खेलको विजेताले हंङकङ र उपविजेताले श्रीलंकासँग प्रतिस्पर्धा गर्ने छ । क्वार्टरफाइनलको विजेता टोली सेमिफाइनलमा प्रवेश गर्ने छन् भने पराजित हुने टोली प्लेट सेमिफाइनलमा प्रतिस्पर्धा गर्ने छन् ।
पोल चरणको तेस्रो स्थानमा रहेर क्वार्टरफाइनलमा प्रवेश गर्न नसकेका टोलीबीच बल लिग हुने छ । बल लिगका शीर्ष २ टोली बल फाइनलमा प्रतिस्पर्धा गर्ने छन् । प्रतियोगिताको फाइनल खेल भोलि हुनेछ ।
