काठमाडौं । अर्जेन्टिनाका स्ट्राइकर लाउटारो मार्टिनेजले पुरुषतर्फको गोल्डेन फुट २०२४ जितेका छन् ।
यस्तै जापानकी कप्तान साकी कुमागाईले महिलातर्फको गोल्डेन फुट जितिन् । इन्टर मिलानका कप्तान मार्टिनेज सम्मान समारोहमा भौतिक रुपमा उपस्थित हुन नसके पनि उनले भिडियो लिङ्कमार्फत् अवार्ड स्वीकार गरेका थिए ।
रोमाकी डिफेन्डर कुमागाईले मोनाकोमा आयोजित समारोहबीच सम्मान ग्रहण गरेकी हुन् । गोल्डेन फुट कुनै पनि खेलाडीले करियरमा एक पटक मात्र जित्न सक्छन् ।
फुटबल खेलमा उत्कृष्ट उपलब्धि हासिल गर्ने २८ वर्ष वा सोभन्दा माथि उमेर भएका खेलाडीलाई वार्षिक रूपमा यो अवार्ड प्रदान गरिन्छ ।
