काठमाडौं । एफसी अन्डर-१७ एसियन कप छनोटमा नेपाल जितविहीन हुँदै घर फर्किएको छ ।
समूह चरणको आफ्नो अन्तिम खेलमा मंगोलीयासँग १-० ले पराजित भएपछि नेपाल जितविहिन हुँदै घर फर्किएको हो ।
साउदी अरबमा अर्को वर्ष हुने अन्डर-१७ एसियन कपमा स्थान बनाउने लक्ष्यसहित कतार पुगेपनि नेपाली किशार टोलीले खास प्रदर्शन गर्न सकेन । मंगोलियाका लागि ओडखु सोयोलले ७८ औं मिनेटमा गरेको गोल निर्णायक सवित भयो ।
जापानसँग पहिलो खेलमा ९-२ ले पराजित भएको नेपालले दोस्रो खेलमा कतारसँग ५-० ले पराजित हुँदै प्रतियोगिताबाट बाहिरिएको थियो । मंगोलियाले भने कतारसँग २-० र जापानसँग ७-० को हार बेहोरेको थियो । नेपालले प्रतियोगिताभर १५ गोल बेहोर्दा दुई गोल मात्रै फर्काउन सक्यो ।