काठमाडौं । साउदी प्रो लिगअन्तर्गत गएरातिको खेलमा अल नासरले अवे खेलमा अल खुलुदसँग ३-३ गोलको बराबरी खेलेको छ । रोनाल्डोको कप्तानीमा रहेको टिमले एक गोलले पछि परेको अवस्थाबाट बराबरी गरेको हो ।
खेलको १२ औं मिनेटमा नै घरेलु टिमका माइकजान माओलिदाले गोल गरेपछि नासर एक-शून्यले पछि परेको थियो । तर आयमेरिक लापोर्टले खेलको १६ औं मिनेटमा नै गोल फर्काएका हुन् । यससँगै खेल फेरी बराबरीमा आएको थियो ।
एन्डरसन टालिस्काले खेलको २४ औं मिनेटमा गोल फर्काएपछि भने नासरले अग्रता आफ्नो हातमा पारेको थियो । तर त्यो अग्रता उसले जोगाउन सकेन । जे मुलेकाले दिलाएको पासमा माओलिदाले गोल गरेपछि पहिलो हाफ २-२ को बराबरीमा सकिएको थियो ।
दोस्रो हाफमा ज्याक्सन मुलेकाले खुलुदलाई पुन अग्रता दिलाएका थिए । तर इन्ज्युरी समयमा नासरले पेनाल्टीको अवसर पाएको थियो । सो अवसरमा टालिस्कारले बराबरी गोल फर्काएका हुन् ।
यो बराबरीसँगै नासरले ८ खेलबाट १८ अंक बनाएको छ । जारी लिगमा अपराजित नासरको यो तेस्रो बराबरी हो । गएराति नै भएको अर्को खेलमा अल अहलीले अल अखदुदसँग १-१ को बराबरी खेलेको छ ।