काठमाडौं । टी-२० आई सिरिजमा नेपालले अमेरिकालाई १ सय ७१ रनको चुनौती दिएको छ । अलराउन्डर कुशल भुर्तेलको शानदार प्रदर्शनमा नेपालले निर्धारित २० ओभरको समाप्तीमा ६ विकेट गुमाएर अमेरिकालाई जितका लागि १ सय ७१ रनको लक्ष्य दिएको हो । कुशलले अविजित रहँदै ५४ बलमा ९२ रन बनाएका हुन् ।
नेपालले अमेरिकाविरुद्धको टी-२० आई सिरिजअन्तर्गत आज दोस्रो खेल खेल्दै छ । जारी खेलमा नेपालले टस जितेर ब्याटिङ रोजेको थियो ।
तीन खेलको टी-२० आई सिरिजमा नेपालले पहिलो खेलमा शुक्रबार अमेरिकालाई १७ रनले पराजित गरेको थियो । अमेरिकाको डालसस्थित ग्रान्ड प्रेरी स्टेडियममा दोस्रो खेल अहिले बिहान ५:४५ बजे सुरु भएको हो ।
खेलको प्रत्यक्ष प्रसारण कान्तिपुर म्याक्ससहित कान्तिपुर टेलिभिजनका डिजिटल प्लेटर्फममा हेर्न सकिन्छ ।