काठमाडौं । अमेरिकाविरुद्धको टी-२० आई सिरिजमा नेपालका अलराउन्डर कुशल भुर्तेलले अर्धसतक पुरा गरेका छन् । उनले ३३ बलमा ५३ रन बनाएका हुन् ।
नेपालले अमेरिकाविरुद्धको टी-२० आई सिरिजअन्तर्गत आज दोस्रो खेल खेल्दै छ । जारी खेलमा नेपालले टस जितेर ब्याटिङ रोजेको थियो । नेपाल एक खेल अघि नै सिरिज जित्ने लक्ष्यका साथ मैदानमा उत्रिएको छ ।
नेपालले यो समाचार तयार पार्दासम्म १५औं ओभरको खेल चलिरहँदा ३ विकेट गुमाएर १ सय १८ रन बनाएको छ ।
तीन खेलको टी-२० आई सिरिजमा नेपालले पहिलो खेलमा शुक्रबार अमेरिकालाई १७ रनले पराजित गरेको थियो । अमेरिकाको डालसस्थित ग्रान्ड प्रेरी स्टेडियममा दोस्रो खेल अहिले बिहान ५:४५ बजे सुरु भएको हो ।
खेलको प्रत्यक्ष प्रसारण कान्तिपुर म्याक्ससहित कान्तिपुर टेलिभिजनका डिजिटल प्लेटर्फममा हेर्न सकिन्छ ।
यसअघि अन्यथा भएकोमा सच्चाइएको छ