काठमाडौं । अमेरिकाले नेपालविरुद्धको टी-ट्वेन्टी आई सिरिजका लागि टोली घोषणा गरेको छ । आईसीसी विश्वकप क्रिकेट लिग टु अघि अमेरिका र नेपालले तीन खेलको सिरिज खेल्न लागेका हुन् ।
घरेलु टोलीले घोषणा गरेको १५ सदस्यीय टोलीमा अमेरिकाका लागि टी-ट्वेन्टीमा सर्वाधिक रन बनाउने स्टिभन टेलर समावेश छैनन् । अलि खान र आरोन जन्स भने टोलीमा फर्किए । यी दुवैले नामिबिया भ्रमण गुमाए थिए । मोनाक पटेलको कप्तानीमा रहेको अमेरिकी स्क्वाडमा आन्द्रियस गस लगायतका खेलाडी छन् ।
नेपाल र अमेरिका बीचको सिरिज स्थानिय समय अनुसार आगामी बिहिबार बाट सुरु हुनेछ । नेपालको समय अनुसार भने खेल शुक्रबार बिहान हुनेछ । तीनै खेल टेक्सस स्थित ग्रान्ड प्रेरी क्रिकेट मैदानमा हुनेछ । यो सिरिज पछि नेपाल, अमेरिका र स्कटल्यान्ड बीच लिग टु सिरिज हुनेछ ।
नेपाली टोली क्यानडा भ्रमण सकेर उतैबाट अमेरिका पुगिसकेको छ ।
