काठमाडौं । नेपालमा आयोजोना हुने साफ महिला च्याम्पियनसिप २०२४ को प्रत्यक्ष प्रसारण कान्तिपुर म्याक्स, कान्तिपुर टेलिभिजनको मोबाइल एप्लिकेसन र कान्तिपुर म्याक्स युट्युब च्यानलबाट हुने भएको छ ।
विगत देखिनै नेपाली खेलकुद प्रेमीसामु विभिन्न राष्ट्रिय अन्तर्राष्ट्रिय खेलकुद प्रतियोगिताहरुको प्रत्यक्ष प्रसारण गर्दै आएका कान्तिपुर म्याक्स र त्यसका डिजिटल प्ल्यार्फमहरुबाट घरेलु मैदानमा हुने साफ महिला च्याम्पियनसिप पनि प्रत्यक्ष प्रसारण हुने भएको हो ।
सातौ संस्करणको साफ महिला च्याम्पियनसिप दशरथ रंगशालामा कात्तिक १ देखि १४ गतेसम्म आयोजना हुनेछ । सहभागी ७ टिमलाई दुई समूहमा विभाजन गरिएको छ । साविक विजेता बंगलादेशसहित भारत र पाकिस्तान समूह ए मा छन् । समूह बीमा नेपालसँगै भुटान, श्रीलंका र मालदिभ्स छन् ।
प्रतियोगिताको उद्घाटन खेल भारत र पाकिस्तानबीच हुनेछ। नेपालले आफ्नो पहिलो खेलमा कार्तिक २ गते भुटानको सामना गर्नेछ । दोस्रो खेलमा ६ गते मालदिभ्स र समूहको तेस्रो खेलमा कार्तिक ८ गते श्रीलंकासँग खेल्नेछ । दुवै समूहको शीर्ष दुई टोली सेमिफाइनल प्रवेश गर्नेछन् ।
फाइनल खेल कात्तिक १४ गते खेलिने छ । हालसम्म खेलिएका ६ मध्य ५ संस्करणमा उपविजेता रहेको नेपालले यस पटक घरेलु मैदानमा उपाधि जित्ने लक्ष्य राखेको छ । नेपाली महिला टोलीसहित प्रतियोगिताको तयारीमा व्यस्त छ ।
