काठमाडौं । स्पेनिस लालिगामा भिल्लारियालले सहज जित हात पारेको छ । भिल्लारियालले लस पाल्मसलाई ३-१ गोल अन्तरले पराजित गरेहको हो ।
यस जितसँगै भिल्ला लालिगाको शीर्ष तिनमा प्रवेश गरेको छ । एस्टाडियो डे ला सेरामिकामा निकोलस पेपेले खेलको ४५ औं मिनेटमा गरेको गोल मार्फत घरेलु टोली भिल्लारियालले सुरुवाती अग्रता बनाउको थियो ।
४७ औं मिनेटमा फेभियो सिल्भाले जवाफी गोल फर्काएपछि खेल १-१ को बराबरी अवस्थामा पुग्यो । ८४ औं मिनेटमा थिएमो बेरीले भिल्लारियलका लागि दोस्रो गोल थपे ।
अतिरक्त समयमा बायनाले तेस्रो गोल गरे पछि भिल्ला ३-१ ले विजयी भयो । यससँगै भिल्लारियलले ८ खेलमा १७ अंक जोडेको छ । उ तालिकाको तेस्रो स्थानमा उक्लिएको छ । समान खेलमा अंक विहीन पाल्मस लालिगाको पुछारमा छ ।
