काठमाडौं । आईसीसी विश्वकप लिग टू अन्तर्गत आज हुने भनिएको नेपाल र ओमान बीचको खेल रद्द भएको छ ।
क्यानडा भ्रमणमा रहेको नेपाली क्रिकेट टिमले आज ओमानसँग अन्तिम खेल खेल्ने तालिका थियो तर वर्षा नरोकिएपछि खेल रद्द भएको हो ।
सिरिजको तीन खेलमा नै पराजित भएको नेपाललाई आज जित दर्ता गर्नैपर्ने दबाब थियो । तर, आजको खेलमा वर्षा बाधक बन्दा नेपाल र ओमानले १-१ अंक बाढ्न बाध्य भए । नेपालले सात खेल खेल्दा एकमात्र जित दर्ता गरेको छ । घरेलु मैदानमा नेदरल्यान्ड्सलाई हराएपछि नेपालले जित दर्ता गर्न सकेको छैन् ।
यसबीच नेपाल क्यानडा र नामिबियासँगका दुवै खेलमा पराजित बनेको छ ।
