काठमाडौं । स्पेनिस क्लब बार्सिलोनाका गोलकिपर मार्क-आन्द्रे टेर स्टेगेनको दाहिने घुँडाको शल्यक्रिया गर्नुपर्ने भएको छ ।
आइतबार लालिगामा भिल्लारियलविरुद्धको खेलमा घाइते भएका स्टेगेनको दाहिने घुँडाको पेटेला टेन्डन पूर्ण रूपमा च्यातिएको क्लबले जनाएको छ ।
जर्मनीका ३२ वर्षीय अन्तर्राष्ट्रिय खेलाडी स्टेगेन चोट ग्रस्त भएको खेलमा बार्सिलोनाले भिल्लारियललाई ५-१ ले पराजित गरेको थियो । हाफ टाइम भन्दा ठीक अघि स्टेगेनले बल नियन्त्रणमा लिने क्रममा जम्प गर्दा नराम्ररी ढलेका थिए ।
पछि उनलाई स्ट्रेचरमा पिचबाट बाहिर लगिएको थियो । उसले हालैका वर्षहरूमा दुई पटक घुँडाको शल्यक्रिया गरिसकेका छन् । तप अर्को शल्यक्रिया गर्नु परेपछि उनले बाँकी सिजन गुमाउन सक्ने स्पेनिस मिडियाले बताएका छन् ।
