संखुवासभा । संखुवासभाको मादी नगरपालिका-६ शिरिसेमा भेटिएको ह्यान्ड ग्रिनेट नेपाली सेनाले डिस्पोज गरेको छ ।
सदरमुकाम खाँदबारीमा रहेको नयाँ भैरवी दल गुल्मका सेनाले मंगलबार बम डिस्पोज गरेका हुन् । सोमबार बिहान मादी पिलुवा सडकखण्डबाट करिब २० मिटर मुनि रहेको भवानीप्रसाद दाहालको कोदोबारीमा बम भेटिएको जिल्ला प्रहरी कार्यालयका प्रहरी निरीक्षक रामकुमार लामिछानेले जाकारी दिनु भयो ।
शंकास्पद वस्तु हेन्डग्रिनेट भएपछि घटनास्थल प्रहरीले घेरेर राखेको थियो । बम पुरानो भएकाले द्वन्द्वकालको हुनसक्ने अनुमान गरिएको छ । बम फेला परेको करिव ८ घन्टापछि डिस्पोज गरिएको प्रहरीले जनाएको छ ।
