काठमाडौं । सेयरबजारमा लगातार गिरावट आएको छ । सोमबार ५९ अंकले घटेको सेयरबजार परिसूचक-नेप्से मंगलबार पनि ५८ दशमलव ९३ अंकले घटेको छ । नयाँ सरकार गठनपछि बढेको सेयरबजार अर्थतन्त्र चलायमानको थप काम हुन नसक्दा पछिल्लो समय घटिरहेको छ ।
गत साउन ३१ मा ३ हजार अंकसम्म पुगेको बजार त्यसयता ५ सय ३० अंकले घटिसकेको छ । बजार थप बढ्ने आशा नदेखेपछि नाफा बुक गर्नेहरु बजारमा हावी हुादा बजार मंगलबार नेप्से २४ सय ७० अंकमा ओर्लिएको छ ।
बजारमा कारोबार रकम पनि ५ अर्ब ६८ करोडमा खुम्चिएको छ । मंगलबार ३ सय ९ कम्पनीको १ करोड ५५ लाख कित्ता सेयर ७७ हजार २ सय ६४ पटक किनबेच भएको छ ।
सेयरबजारमा सबै परिसूचक घटेका छन् भने हिमालयन हाइड्रोपावर, नेपाल फाइनान्स र बुद्धभुमि नेपाल हाइड्रोपावरका लगानीकर्ताले सबैभन्दा बढी गुमाएका छन् ।
