काठमाडौं । स्पेनी ला लिगामा रियाल मड्रिडले उत्कृष्ट पुनरागमन जित हासिल गरेको छ ।
इस्पनयोलविरुद्ध एक गोलले पछि परेको अवस्थाबाट पुनारगमन गर्दै रियालले ४-१ गोल अन्तरको सहज जित हात पारेको हो । पहिलो हाफको गोलरहित बराबारीमा सकिएको खेलमा थिबो कोट्वाकोले आत्मघाती गोल गरेपछि इस्पनयोलले उपहार गोल मार्फत अग्रता बनाएको थियो । तर ५८ औं मिनेटमा डानी काराभाजलले बराबरी गोल फर्काए ।
७५ औं मिनेटमा रोड्री र त्यसको २ मिनेटपछि भिनिसियस जुनियर र गोल गरे । १९ औं मिनेटमा केयलिन एम्बापेले पेनाल्टीमा गोल गरे । एम्बापेका लागि लिगका पछिल्ला तीन खेलमा यो चौथो गोल थियो । जितपछि रियालको ६ खेलबाट १४ अंक छ । लिगमा अपराजित रियाल दोस्रो स्थानमा छ । इस्पनयोल समान खेलमा ७ अंकसहित १३ औं स्थानमा छ ।
अन्य खेलमा भ्यालेन्सियाले जिरोनालाई २-० र ओसासुनाले लास पाल्मासलाई २-१ ले हरायो ।
