काठमाडौं । अमेरिकी टेनिस खेलाडी जेसिका पेगुला पहिलो पटक यूएस ओपनको सेमिफाइनलमा प्रवेश गरेकी छन् ।
आर्थर एसे स्टेडियममा घरेलु दर्शकको अगाडि आफ्नो करियरको सबैभन्दा ठूलो जित हासिल गर्ने क्रममा पेगुलाले विश्व नम्बर एक इगा स्वान्तेकलाई नकआआउट गरिन् । छैटौं वरियताकी पेगुलाले स्वान्तेकलाई सोझो सेटमा परमाजित गरेकी हन् । पहिलो सेटमा ६-२ को जित हासिल गरेकी पेगुलाले दोस्रो सेटमा ६-४ ले बाजी मारिन् ।
पेगुलाले अब फाइनल प्रवेशका लागि चेक गणतन्त्रकी कारोलिना मुचोभाको सामना गर्ने छिन् । मुचोभाले ब्राजिलकी बेटि्रज हद्दाद माइयालाई पराजित गर्दै सेमिफाइनलमा स्थान बनाएकी थिइन् ।
