काठमाडौं । चेक गणराज्यकी कारोलिना मुचोभा ब्राजिलकी बेट्रिज हद्दाद माइयालाई पराजित गर्दै महिला युएस ओपनको सेमिफाइनलमा प्रवेश गरेकी छन् ।
नाडीको शल्यक्रियापछि जुनमा मात्र कोर्टमा फर्कीएकी मुचोभा लगातार दोस्रो पटक युएस ओपनको सेमिफाइनलमा प्रवेश गरेकी हुन् । मात्रै खेलमा फर्किएकी मुचोभाले पहिलो सेट सहजै सम्हालेपछि कोर्टबाट बाहिरिएकी थिइन् । उनले माइयाविरुद्ध ६-१ र ६-४ को सहज नतिजा हात पारेकी हुन् ।
गत वर्षको सेमिफाइनलमा मुचोभा कोको गैफसँग पराजित भएकी थिइन् । उनले अब फाइनल प्रवेशका लागि शीर्ष वरियताकी इगा स्वन्तेक वा अमेरिकाकी छैटौं वरियता प्राप्त जेसिका पेगुलासँग प्रतिस्पर्धा गर्नेछन् । पेगुला र स्वन्तेकबीचको खेल आज साँझ हुनेछ ।
