काठमाडौं । काभा महिला नेसन्स लिगको दोस्रो सेमिफाइनलमा नेपालले आज इरानको सामना गर्दै छ ।
राष्ट्रिय खेलकुद परिषदको कभर्ड हलमा खेल नेपाली समय अनुसार साँझ सवा ५ बजे सुरु हुने छ ।
नेपाल लिग चरण्मा दोस्रो र इरान तेस्रो स्थानमा रहदै सेमिफाइनलमा प्रवेश गरेका हुन् । समुह चरणमा नेपालले श्रीलंका र माल्दिभ्सलाई सोझो सेटमा पराजित गरेको थियो भने भारतलाई पाँच सेटमा हराएको थियो ।
प्रतिस्पर्धात्मक खेलमा इरानसंग ५ सेटमा पराजित भएको नेपाल त्यस हारको बदला लिने योजनामा हुने छ । नेपालले भारतविरुद्ध गरेको प्रदर्शनलाई निरन्तरता दिए इरानका लागी चुनौतपूर्ण हुन सक्छ ।
नेपालविरुद्ध रिसिभ र डिफेन्समा निकै उत्कृष्ट प्रदर्शन गरेको इरान प्रतियोगिताको दावेदार टोली हो । इरान लिग चरणको नतिजा दोहोर्याउँदै फाइनलमा स्थान बनाउने लक्ष्यमा हुने छ । नेपालले ४ खेलमा ३ जित र १ हार सहित ९ अंक जोडेको थियो । इरानले लिग चरणमा ७ अंक जोडेको थियो ।
यस खेल अघि ३ बजे सुरु हुने पहिलो सेमिफाइनल खेलमा भारत र श्रीलंका प्रतिस्पर्धा गर्ने छन् । भारत १० अंक सहित शीर्षस्थानमा रहेर फाइनल प्रवेश गरेको थियो । श्रीलंका ४ अंक जोडेर चौथो हुँदा अंकबिहिन माल्दिभ्स पाँचौ हुँदै लिग चरणबाटै बाहिरिएको थियो । फाइनल र तेस्रो स्थानका खेलहरु भोली खेलिने छन् ।
भोलि दिउँसो ३ बजे सुरु पहिलो सेमिफाइनल खेलमा श्रीलंकाले भारतको सामना गर्नेछ। दोस्रो सेमिफाइनलमा नेपाल र इरानबीच प्रतिस्पर्धा हुनेछ। लिग चरणमा इरानसँग भोगेको हारको बदला लिने अवसर नेपाली टोलीलाई रहनेछ।
