काठमाडौं । एसीसी महिला एसिया कपमा नेपालले पाकिस्तानलाई १०९ रनको लक्ष्य प्रस्तुत गरेको छ ।
श्रीलंकाको रागिंरी दाम्बुला इन्टरनेसनल स्टेडियममा पाकिस्तानले टस जितेर फिल्डिङ गर्ने निर्णय गरेपछि नेपालले ब्याटिङ गरेको हो ।
आज प्रशिक्षक मनोज कटुवालले प्लेइङ इलाभेनमा एक परिवर्तन गरेका थिए । सवनम राईको स्थानमा रोमा थापा समावेश भएकी हुन् ।
नेपालले आफ्नो पहिलो खेलमा यूएईलाई ६ विकेटले हराएको थियो । यदि पाकिस्तानलाई पराजित गरे समूह ‘ए’ बाट नेपाल र भारत सेमिफाइनल प्रवेश गर्नेछन् ।
पाकिस्तान भने जारी प्रतियोगितामा पहिलो जितको खोजीमा छ । पहिलो खेलमा पाकिस्तानले भारतसँग पराजय बेहोरेको थियो ।
