काठमाडौं । यूएफा युरोकप २०२४ अन्तर्गत राउण्ड अफ सिक्सटिनका खेल सकिएसँगै प्रतियोगिताको क्वार्टरफाइनल समीकरण पूरा भएको छ ।
गए राति सम्पन्न खेलमा नेदरल्यान्ड्सले रोमानियालाई ३-० गोल र टर्किएले अस्ट्रियालाई २-१ गोल अन्तरले पराजित गर्दै एक अर्कासँगको भेट निश्चित गरेसँगै प्रतियोगिताको क्वार्टरफाइनल समीकरण पूरा भएको हो ।
अब शुक्रबार राति स्टटगार्टमा आयोजक जर्मनीले स्पेनको सामना गरेसँगै अन्तिम ८ को खेल सुरु हुने छ । सोही राति पौने १ बजे पोर्चुगलले फ्रान्सको सानमा गर्ने छ । शनिबार इंग्ल्यान्ड र स्विट्जरल्यान्डले डुसेलडोर्फकमा प्रतिस्पर्धा गर्दा बर्लिनमा मध्यरात पौने १ बजे नेदरल्यान्ड्सले टर्कीएसँग खेल्ने छ ।
