काठमाडौं । युरो कपमा आज राति रोमानियाले नेदरल्यान्ड्सको सामना गर्दैछ । त्यसैगरी आजै राति हुने खेलमा अष्ट्रियाले टर्कीको सामना गर्ने तालिका छ । जर्मनीका १० सहरमा आयोजना भइरहेको युरोकप अन्तर्गत आज क्वार्टरफाइनलका खेल सम्पन्न हुनेछन् ।
रोमानियाले युरो कपमा आज दोस्रो पटक नेदरल्यान्ड्सको सामना गर्न लागेको हो । यसअघि सन् २००८ को युरोमा नेदरल्यानड्सले रोमानियालाई दुई-शून्यले हराएको थियो । यी दुई टिमबीच प्रतिस्पर्धा भएका सबै प्रतियोगिताका १४ खेलमा नेदरल्यान्ड्सले १० खेल जितेको छ । तीन खेल बराबरी भएका छन् । तीन खेलमा रोमानियाले तीन गोल मात्र गर्न सकेको छ । यसकारण इतिहास हेर्दा रोमानियाभन्दा नेदरल्यान्ड्स बलियो टोली छ । सन् २००० पछि पहिलो पटक युरो कपको नकआउट चरणमा प्रवेश गरेको हो ।
रोमानिया सन् १९९४ को विश्वकपमा मात्र अर्जेन्टिनालाई हराएर क्वार्टरफाइनलमा प्रवेश गरेको थियो । यसैगरी नेदरल्यान्ड्सले लगातार पछिल्ला तीन नकआउट खेलमा हार ब्यहोरेको छ । आजको खेलमा नेदरल्यान्ड्स हारे चार नकआउट खेलबाट बाहिरिने युगोस्लाभियाको रेकर्डसँग बराबरी हुने छ । यसअघि युगोस्लाभिया मात्र लगातार चार खेलमा पराजित भएको इतिहास छ । आज राति रोमानियाको २० औं युरो कप खेल हुनेछ । तर उसले १९ खेलमध्ये दुई खेलमा मात्र जित दर्ता गर्न सकेको छ ।
आजै राति पौने १ बजे हुने खेलमा अष्ट्रियाले टर्कीयको सामना गर्दैछ । अष्ट्रिया आश्चर्यजनक रुपमा समूह डीको विजेता बनेर अन्तिम १६ मा पुगेको हो । त्यसैगरी, टर्की पनि समूह एफको दोसो स्थानमा रहेर नकआउट आइपुगेको हो । आज युरो इतिहासमा यी दुई टिमबीच पहिलो पटक भेट हुन लागेको हो । यी दुई टिमबीच भएका पछिल्ला पाँच खेलमा टर्कियले हार ब्यहोरेको छैन । तर उसले अहिलेसम्म दोस्रो पटक मात्र युरो कपको दोस्रो चरण