काठमाडौं । आईसीसी विश्वकप क्रिकेट लिग टुमा जारी नेपाल र नामिबियाबीचको खेलमा नेपालले अहिले ब्याटिङ गरिरहेको छ ।
जारी खेलमा ६४ बलमा ५८ रन बनाएका आसिफ सेख पनि आउट भएका छन् । उनीसँगै नेपाली टोलीले ५ विकेट गुमाएको छ । कीर्तिपुरस्थित टीयू मैदानमा भइरहेको खेलमा पहिलो विकेटमा कुसल भुर्तेल आउट भएका हुन् । उनले १६ बलमा १८ रन बनाए । यस्तै अनिल शाह ३८ रन र देव खनाल ४३ रनमा आउट भए ।
कप्तान रोहित पौडेल पनि आउट भएका छन् । नेपालले २४ औँ ओभरमा ५ विकेट गुमाउँदै अहिले १ सय १२ रन बनाएको छ ।
जारी सिरिजमा नेपाल लगातार दोस्रो जित हात पार्ने लक्ष्यमा छ । पहिलो खेलमा घरेलु टोली नामिबियासँग ४ विकेटले पराजित भएको थियो । दोस्रो खेलमा बलियो नेदरल्यान्ड्समाथि नौ विकेटको जित हात पार्दै नेपालले सानदार पुनरागमन गरेको छ । नामिबियाले यसअघिको खेलमा डच टिमसँग ७ विकेटको हार बेहोरेको थियो ।
नामिबियासँगको पहिलो खेलमा कुशल भुर्तेल रोयल डक भएका थिए। आसिफ ४, अनिल साह ८ र रोहित पौडेल एक रनमा आउट भएपछि नामिबियाले नेपालमाथि दबाब बनाएको थियो । नेपाल १ सय ३२ रनमा अल आउट भएको थियो । यो खेलमा नामिबियाले टस जितेर फिल्डिङ रोजेको थियो ।