.png&w=1000&height=550)
काठमाडौं । मनाङ मर्स्याङ्दी क्लबलाई पराजित गर्दै न्युरोड टिम (एनआरटी) सहिद स्मारक ए डिभिजन लिगको शीर्ष ६ मा उक्लिएको छ । २५औं चरणमा एनआरटीले मनाङलाई एक-शून्यले पराजित गरेको हो ।
च्यासल मैदान ललितपुरमा एनआरटीले मनाङमाथि सुरुवातमा दबाब बनाएको थियो । १३औं मिनेटमा आशिष राईको प्रहार बारमा लाग्दै फर्किँदा एनआरटीले अग्रताको मौका गुमायो । तर १७औं मिनेटमा दिपेश आले मगरले गोल गर्दै एनआरटीलाई अग्रता दिलाए ।
त्यसपछि मनाङले प्राप्त गरेका केही अवसर सदुपयोग नगर्दा दिपेशको गोल निर्णायक भयो । मनाङ पछिल्ला ११ खेलपछि हारेको हो । १४औं चरणदेखि क्लबले ८ बराबरी र ३ जितको नतिजा निकालेको थियो । पराजयसँगै ३२ अंक भएको मनाङ तालिकाको सातौं स्थानमा छ । एनआरटीको २५ खेलमा ३३ अंक छ ।
लिगको अन्तिम चरणमा मनाङले मछिन्द्र र एनआरटीले संकटाको सामना गर्नेछन् ।
.png)
.png)
