इंग्ल्याण्ड । इङ्लिस प्रिमियर लिगमा म्यानचेस्टर युनाइटेडले चेल्सीलाई चार एक गोलले हराएको छ । यो जितपछि युनाइटेडले आगामी सिजनका लागि च्याम्पियन्स लिगमा स्थान पक्का गरेको छ ।
ओल्ड ट्राफोर्डमा भएको खेलको छैटौँ मिनेटमा युनाइटेडले खाता खोलेको थियो । ब्राजिलियन भेट्रान कासमिरोले क्रिस्टयान इरिकशनको सहयोगमा गोल गरे । पहिलो हाफको इन्जुरी समयमा जेडोन सान्चोले दिएको पासमा एन्थोनी मार्सियलले गोल गरेर युनाइटेडको अग्रता दोब्बर बनाए । ७३ औँ मिनेटमा वेस्ले फोफानाले बु्नो फर्नान्डेजलाई पेनाल्टी क्षेत्रमा फउल गरेपछि युनाइटेडले पेनाल्टीको मौका पाएको थियो । जसमा ब्रुन आफैले गोल गरेर टिमलाई तीन शून्यले अघि राखे ।
७८ औँ मिनेटमा मार्कस ह्रासर्फडले गोल गरेर एरिक टेन हाखको टोली चार गोलले अघि रह्यो । निर्धारित समय सकिन मात्रै एक मिनेट बाँकी रहँदा जोआओ फेलिक्सले सान्त्वना गोल फर्काए । यो जितपछि युनाइटेड न्यु क्यासललाई उछिन्दै शिर्ष तीनमा उक्लेको छ । युनाइटेडको ३७ खेलबाट ७२ अंक छ । तर गएराति युनाइटेडलाई ठूलो घाटा समेत लागेको थियो ।
ब्राजिलियन विंगर एन्टोनी, ट्रेभो चालोभासँग जुध्न पुगेपछि चोट बोक्दै मैदानबाट बाहिरएका थिए । युनाइटेडको जितपछि चिर प्रतिद्धन्द्धी लिभरपुल भने शीर्ष चारको होडबाट बाहिरिएको छ । लिभरपुल आगामी सिजन युरोपा लिगमा सिमित हुनेछ ।
यता १० खेलमा ८ औँ पराजय भोगेको चेल्सी ४३ अंकसहित १२ औँ स्थानमा छ ।
