काठमाडौं । काभा महिला भलिबल च्यालेन्ज कपमा घरेलु टोली नेपाल र कजाकस्तान फाइनल प्रवेशका लागि भिड्दै छन् । यो खेल दिउँसो पाँचे बजे राष्ट्रिय खेलकुद परिषद्को कबर्डहलमा हुनेछ ।
साबिक विजेता नेपाल लगातार तेस्रो पटक फाइनलमा प्रवेश गर्ने लक्ष्यमा हुनेछ । यस अघि अपराजित रहँदै सेमिफाइनलमा पुगेको नेपाल घरेलु कोर्टमा भने भारतसँग समूह चरणमा पराजित भएको थियो । दुई पटकको विजेता नेपालले आज कजाकस्तानलाई हराएमा उपाधिका लागि फेरी भारतसँग नै प्रतिस्पर्धा हुनेछ ।
नेपालकी स्टार स्पाइकर प्रतिभा माली चोटका कारण मैदान बाहिर भएकाले नेपाली टिमले महत्त्वपूर्ण खेलमा निकै संघर्ष गर्नुपरेको छ । नेपाल समूह बीको उपविजेता बनेर अन्तिम चारमा प्रवेश गरेको हो ।
अपराजित कजाकिस्तान समूह बीको विजेता हो । समूह ए को विजेता भारत र समूह बीको उपविजेता उज्बेकिस्तान बीचको खेल पनि आजै हुनेछ ।
यो खेल दिउँसो साढे दुई बजेबाट सुरु हुनेछ ।
भारत जारी प्रतियोगितामा अपराजित छ । लगातार चौथो जित हात पार्दै फाइनल प्रवेश गर्ने भारतको लक्ष्य हुनेछ । यता उज्बेकिस्तान समूह चरणको आफ्नो अन्तिम खेलमा कजाकस्तानसँग हारेपछि उपविजेताका रूपमा सेमिफाइनल प्रवेश गरेको हो ।
