काठमाडौं । लैङ्गिक हिंसाका घटना रोकथाम गर्न राजनीतिक सचेतना महत्वपूर्ण रहेको सरोकारवालाहरुले बताएका छन् ।
राजनीतिमा पनि महिलाहरुलाई अघि बढ्न नदिने प्रवृति रहेको भन्दै वक्ताहरुले समाज रुपान्तरणमा दलहरुको भूमिका प्रभावकारी हुनुपर्नेमा जोडदिए । पार्टी, समाज र घरबाटै समानताको सोच नराखेसम्म लैंगिक हिंसा रोक्न नसकिने उनीहरुको भनाइ थियो ।
राजनीतिको निर्णायक तहमा महिला प्रतिनिधित्व बढाउनुपर्नेमा पनि वक्ताहरुले जोडदिए । संविधान र कानुनले दिएका अधिकारलाई व्यवहारमै कार्यान्वयन गर्दै हिंसा हुँदै नहुने समाज निर्माणमा जुट्नुपर्ने सरोकारवालाहरुको भनाइ छ ।
