नवलपरासी । पूर्वी नवलपरासीको कावासोती नगरपालिका-१, बालुवाडाँडामा जिप दुर्घटना हुँदा दुई जनाको मृत्यु भएको छ । क्षमताभन्दा बढी यात्रु बोकेको जिप दुर्घटना हुँदा २८ जना घाइते भएका छन् ।
जिल्लाको पहाडी भेगबाट सदरमुकाम कावासोतीतर्फ आउँदै गरेको बागमती प्रदेश ०७-००१-ज-००२० नम्बरको जिप अनियन्त्रित भएर पल्टिएको प्रहरीले जनाएको छ ।
जिल्ला प्रहरी कार्यालय पूर्वी नवलपरासीका प्रमुख एसपी यादव ढकालका अनुसार घाइतेको उद्धार गरी चितवन र जिल्ला अस्पताल डन्डामा उपचार भइरहेको छ ।
