बाजुरा । विद्युतकाे लाइन विस्तारका क्रममा करेन्ट लागेर एक जना मजदुरको मृत्यु भएको छ ।
मृत्यु हुनेमा बडीमालिका नगरपालिका-७ जिल्लीका ३३ वर्षीय मनबहादुर विष्ट रहेकाे जिल्ला प्रहरी कार्यालय बाजुराका प्रहरी निरिक्षक रविन्द्रसिं कार्कीले जानकारी दिनुभयो ।
प्रहरीका अनुसार शनिबार विद्युतकाे लाइन विस्तारका क्रममा बडीमालिका-६ जडाङ्गामा विष्टलाई करेन्ट लागेकाे हो ।
जडाङ्गामा ३३ केभीको लाइन बनाउने क्रममा करेन्ट लागेर बिष्ट घाइते भएपछि उपचारका लागि अछामको बयालपाटा अस्पतालमा उपचारका लागि लैजाँदै गर्दा मृत्यु भएको प्रहरीले जनाएको छ ।
मृतक विष्ट भानुभक्त जाेशी ठेकेदारकाे कम्पनीमा ज्यालादारीमा काम गर्दै आएकाे प्रहरीले जनाएको छ ।
.png&w=400&height=300)
