.png&w=1000&height=550)
काठमाडौं । रामबाबु-ज्ञानु सामाजिक सेवा पुरस्कार कोषले २०८१ को पुरस्कार तथा सम्मान आज एक कार्यक्रमका बीच प्रदान गरेको छ । यस वर्ष चार सामाजिक संस्था तथा तिनका अध्यक्षहरू पाँच लाख नगद पुरस्कारसहित सम्मानित भएका हुन् ।
यस वर्ष २ लाख नगदसहितको रामबाबु-ज्ञानु सामाजिक सेवा पुरस्कार नेपालगञ्जस्थित नीलसागर सेवाश्रम तथा यसका संस्थापक अध्यक्ष सरिता खनाललाई प्रदान गरिएको छ ।
यस्तै, जनही १ लाख राशीको रामबाबु-ज्ञानु समाजसेवी पुरस्कार तीन संस्थाहरुलाई प्रदान गरिएको छ । यसवर्ष इटहरीस्थित माया घर नेपाल, गोकर्णेश्वर काठमाडौंस्थित अपांग पुनर्स्थापना केन्द्र र टोखास्थित हाम्रो बाल संरक्षण धरोहर नेपाल पुरस्कृत भएका हुन् ।
पूर्वमुख्यसचिव विमल कोइरालाले पुरस्कृत व्यक्ति तथा संस्थाहरुलाई सम्मानित गर्नु भएको हो ।
