गोरखा । गोरखाको दुर्गम चुमनुब्री गाउँपालिकाबाट तीन दिनदेखि सुत्केरी व्यथाले थलिएकी एक महिलालाई हेलिकोप्टरबाट उद्धार गरिएको छ ।
चुमनुब्री गाउँपालिका–३ सल्लेरीकी ४० वर्षीया सुनमाया गुरुङलाई आज बिहान नेपाली सेनाको हेलिकोप्टरबाट उद्धार गरी काठमाडौंको प्रसूति गृहमा पठाएको चुमनुब्री गाउँपालिकाकी उपाध्यक्ष लक्ष्मी गुरुङले जानकारी दिनुभयो ।
गत साउन २३ देखि नै सुत्करी व्यथाले थलिएकी गुरुङलाई हिजो मात्र आफन्तले बोकेर गाउँपालिकाको केन्द्र फिलिम स्वास्थ्यचौकी ल्याएका थिए । सडक सञ्जाल नजोडिएको चुमनुब्री गाउँपालिकामा सिकिस्त बिरामी तथा सुत्करीहरुले उपचारका लागि यसरी नै हेलिकोप्टर पर्खनुपर्ने वाध्यता छ ।
.png&w=400&height=300)
