सुनसरी । हर्क साम्पाङ नेतृत्वको श्रम संस्कृति पार्टीले झापा निर्वाचन क्षेत्र नम्बर ५ मा पार्टीका सहमहासचिव समीर तामाङलाई उम्मेदवार बनाउने भएको छ ।
एमाले अध्यक्ष केपी शर्मा ओली लड्दै आएको यो निर्वाचन क्षेत्रमा राष्ट्रिय स्वतन्त्र पार्टी रास्वपाका वरिष्ठ नेता काठमाडौंका प्रमुख बालेन्द्र शाह पनि उम्मेदवार बन्दैहुनुहुन्छ । यस्तोमा दुवैलाई हराउने गरी श्रम संस्कृति पार्टीले तामाङलाई उम्मेदवार बनाएको अध्यक्ष हर्क साम्पाङले बताउनुभयो ।
‘म सुनसरीबाटै चुनाव लड्दैछु, ओली र बालेन्द्रलाई हराउन समीर तामाङ काफी छन्,' साम्पाङले भन्नुभयो, ‘धरान उपमहानगरमा राजीनामा दिएलगत्तै म आफैं झापा ५ गएर माटोका लागि मत माग्नेछु ।'
उहाँले आफूले गएर एकपटक भाषणगरेलगत्तै माहौल आफूहरूको पक्षमा बन्नेसमेत दाबी गर्नुभयो । विगतमा पनि आफूले धरानमाएक्लै चुनाव प्रचारमा निस्किएर जितेको पृष्ठभूमि भएको भन्दै उहाँले भन्नुभयो, ‘झापा–५ मा पनि हाम्रै जित हुने हो ।'
